有關余媽媽:
~資深教育工作者為屋企打拼的在職媽媽Blogger

余媽媽的分享:
~愛四圍遊,四圍食,四圍玩
~愛分享: 親子育兒資訊、母嬰用品攻略、 有營食譜、美容護膚心得、美食及旅遊平。靚。正推介!!!

有關產品試用/出席活動/意見,歡迎與余媽媽聯絡:qsmartland@gmail.com

2014年12月1日 星期一

Playgroup到會服務 + 老師有愛心@小天使成長軒

余小b9月份(13個月大) 參加了
一個以廣東話授課的親子playgroup, 
雖然只上了6(1)就因收生不足要暫停
但余媽媽都覺得課程內容和師資都算不錯
所以藉此機會跟大家分享下我地嘅上堂情況,
給大家有個參考~
(今篇會有多D相, 務求給大家看到多些實況)

Playgroup都可以到會」?
今次我們係參加由小天使成長軒舉辦的課程。
呢間公司本來係屯門有上課場地的
但後來由於租約問題,
改左係會所或大會堂上堂~

呢種到會服務對余媽媽來說反而係件好事
因為地點會較方便。

咁啱嗰期見佢地可以安排到係我們會所上堂
於是就即刻報名。

可能是平日上課關係, 比較難招生
最後, 老師決定只得3位學生報名也照開
免得我們失望~

我們的場地:
我們每次都係會所嘅舞蹈室上堂。
但因為我們當時只得3位學生
所以空間尚算充足。
地方太大反而會難於控制。

不過始終呢度都唔係一個恆常
用來給小朋友上課的教室
不會每次上課前都有專人清潔
所以衛生情況只是一般, 但尚可接受
(自己會所都唔怕講)

不過, 老師都做足清潔程序的
所有小朋友上課前都要先清潔雙手。

另外, 導師每堂都會帶備一大箱的教具,
亦會提供坐墊俾家長
所以教學資源並不是問題。

課程內容和安排


今次呢個課程主要為9-12m bb而設,
當時因為余小b比較少上playgroup,

(之前只試過Bambini Republic Playgroup一堂, 按此回顧)
所以照報呢個課程, 俾佢warm up下。

呢個課程較著重小朋友的感官、

感統及大肌肉訓練,

亦會較多唱遊及玩樂器,

以刺激五感及觸覺,

促進腦部發展及穩定情緒。



~課堂分4部份進行~

第一部分: 玩具熱身時間(10mins)

目的:
除了作熱身外
可以培養小朋友的集中力和
自行收拾玩具的良好習慣。

活動:
小朋友自由玩玩具
玩具款式每一至兩堂換一次。
玩完玩具需學習自行收拾
還會教小朋友唱goodbye song bye bye玩具。

小朋友學野真係好快
余小b上完兩堂已經識係屋企
自己收拾玩具喇

而且, 老師仲讚余小b專注力唔錯
因為佢可以自己玩玩具玩好耐都唔悶。

第二部分: 樂器時間(手部小肌肉訓練)10-15mins

目的
藉着音樂幫助小朋友的腦部發展。

活動
所以老師每堂都會提供一些樂器
例如沙錘搖鼓響鈴等
小朋友可以一邊搖動樂器
一邊唱Hello song


part余小b超鍾意
我們都發覺每當余小b手持樂器
都表現得非常興奮
應該係特別喜歡會發出較大響聲的樂器吧!

第三部分: 感官刺激/大小肌肉訓練 15mins

目的:
讓小朋友接觸不同物料以刺激感官
更配合不同教具加強小朋友的手眼協調。

活動:
入錢箱 (N班面試熱門題目)

擺雞蛋

草地爬行

爬地地

玩豆袋


搓麪粉

cream塗在蛋糕畫上
(余小b初時不太喜歡呢d cream狀物料
感覺怪怪的, 但玩耐左又接受到喎!)

放圈圈

Fit ball

爬隧道

波波池
玩水水

小朋友大愛的Bubble time

我們發現余小b都幾願意接觸唔同嘅物料
雖然間唔中會有d怪樣, 但唔會喊~

第四部分: 繪畫/手工/茶點時間 (10-15mins)

目的: 
透過藝術提升腦部發展和創造力。
有時亦會備有茶點以訓練小朋友
的手眼協調和自律能力。

活動:


印畫
(老師提供可水洗顏料,
件衫污穢左都唔驚,一放落水就乾淨晒)




做勞作

食茶點...余小b最。最。最期待^^

老師話余小b 嘅感官發展正常,
無整到成面都係顏料。
我們都發覺余小b幾喜歡畫畫
於是在家都有給他玩吓填色遊戲。

小結:

余媽媽覺得余小b上完playgroup

的確可以係屋企應用番部分學到嘅野

最明顯嘅係叫佢收拾玩具, 佢識自動波。


要讚的地方:
雖然$120一堂
在同區屬中價唔係太貴
但老師都會盡量提供較優質且安全的顏料
物料和濕紙巾確保小朋友的安全和健康。

其實呢位老師真係很親和又有耐性
所以余小b都好喜歡佢架

希望第日再有機會上呢位老師嘅堂啦♡^_^♡


課程有咩要改善
我覺得可以隔堂加入story time, 
以培養學生的耐性和專注力。
也可以引入一些簡單的英文生字
咁樣小朋友又可以學多少少新野喇!

最後, 到評分時間喇
究竟同是教育界嘅余媽媽會
俾呢間Playgroup咩分數呢?
一齊睇睇希望可以給大家一個參考 (5分為最高)

校舍地點: 4.5 (由於是到會服務
相信大家會選近自己屋企的地點上課)

學習環境: 3.5(始終都不是一個專用的教室
衛生情況因場地而異)

校舍師資: 5 (老師很友善, 有愛心和有耐性)

課堂安排: 4 (課堂安排有序, 節奏合適)

價錢: 4.5 (同區唔算貴)

如果大家想試堂
可以試下發Facebook訊息俾
小天使成長軒以優惠價自組試堂啊!


相關文章:



以下是余媽媽余小bのFacebook啊~



My Blog Links:
有關產品試用/活動邀請,歡迎與余媽媽聯絡
Email: qsmartland@gmail.com
Facebook Fan Page: 余媽媽手記

沒有留言:

張貼留言